هندسة زراعية
عزيزى الزائر يرجى التسجيل منك اذا كنت غير مسجلا او الدخول اذا كنت مسجلا لتتمتع بجميع خدماتنا وتكون عضو من اعضاء المنتدى الكرام
مع تحيات
ادارة منتديات هندسة زراعية


منتدي علمي لقسم هندسة زراعية

 
الرئيسيةبحـثالأعضاءالتسجيلدخول

شاطر | 
 

 صبــــاحيك زي وشيك يــــــا مصر !

اذهب الى الأسفل 
كاتب الموضوعرسالة
W@L!d
 
 
avatar

ذكر
عدد الرسائل : 509
العمر : 29
تاريخ التسجيل : 31/08/2008
العمل : طالب بتجاره عين شمس
الجامعة : غيرهندسة زراعية
الجامعة : تجاره عين شمس
الوسام :
نقاط : 0

مُساهمةموضوع: صبــــاحيك زي وشيك يــــــا مصر !   5/9/2008, 22:13

صباح الخيــــــــــــر يامصر





بقلم الرائع : بـــــــــــلال فضـــــــــــــــــــل




صباح الخير على الناس المرهقين من عناء الحياة والدايرين في الساقية اللي منصوبة لهم من سبع الاف سنة .. الناس اللي عايشة اليوم بيومه .
.كل أملها يعدي من غير اي خساير .. مابتفكرش في بكره عشان ماتتقهرش... مابتفكرش في النهارده علشان ماتتنقطش ..
صباح الخير على ضحكة عالية في قهوة شايها مايتشربش ..
على شاب بيقوم لست كبيرة في الاتوبيس.. على كوباية شاي باللبن وحتة بقسماط بعد صلاة الفجر جنب السيدة نفيسة ..
على قهوة في الحسين مبيعديش عليها حسن بشندي .. على سينما زحمة والضحك طالع من القلب للركب .. على سور الأزبكية وكتبه المعتقة ..
على عشاق فقرا مش لاقيين شقة فبيخطفوا الفرحة متداريين في صخور الكورنيش ورا شجر النيل ..
على صوت الشيخ السيد متولي وهو بيقرا سورة يوسف وبيخلينا نعيط على سيدنا يعقوب اللي ابيضت عيناه من الحزن ..




على عربيات الكبده والسجق لحمة الفقير وعربيات الدوم تفاح الفقير وعربيات السوبيا خمرة الفقير.. على طباق الكشري خالي العدس ورد زياده وغرقان في الدقة .
. على فطاطري الحسين اللي سمى نفسه بيتزا الحسين فباظ من ساعتها.. على العدوي بتاع ميدان الجيش يعني احلى رصة فول وطعمية بمستلزماتها وبرخص التراب ..
على أفران العيش في اسكندرية .. على البلكونات اللي مافيهاش كراكيب ولا بصل ولا توم .. فيها كرسيين وكوبايتين شاي وبصة رضا واهة شوق ..
على كل صالة بتلم الناس اللي مش عارفة تتلم على نفسها .. على كل نكته قبيحة تتقال بصوت عالي .
. صباح الخير على الطاهرة رئيسة الديوان ودراويشها وسجاد جامعها .

. على روح سيدنا الحسين اللي مش مدفون هنا اساسا ..
صباح الخير على كل سطر كتبه نجيب محفوظ وكل شجرة سقاها علاء الديب وكل فيلم كان هيعمله احمد زكي وكل كرسي ماتضايقش لما صلاح جاهين قعد عليه ..
صباح الخير على الناس اللي واقفة في طابور حكومة رخم بتتخانق عشان تسلي بعضها .. على مدرجات الدرجه التالتة وناسها اللي مش هنا اساسا ..
على الاهلي لما يسكع الزمالك ستة وساعات اربعة وساعات اتنين .. صباح الخير على كل ايدين بتسلم عليك باهتمام بعد الصلاة..
وعلى كل امام ما بيطولش في الوقوف ويطول في السجود ..


صباح الخير على سينمات الدرجه التالتة والفاكهة اللي مش مرشوشة مبيدات وسعاد حسني وهي بتغني انا ضاع مني حاجه كبيرة اكبر من اني اجيب لها سيرة ..
صباح الخير بالليل على فرشات جرايد الطبعة الاولى وحفلات الميدنايت والقهاوي المناوبة ..... على العيال وهي بتهز اكياس الكشري الصبح وهي رايحة المدرسة ...
. على بتوع الزلابية اللي واقفين قدام المدارس خايفين من البلدية ...
صباح الخير على اكشاك السمك في ابو قير والترام الاصفر وسيدي البوصيري وبردته والمراجيح اللي ورا ضريحه ..
وعم نفنف بتاع الكبدة في المنشية وطعمية ابو احمد الاكتع في شارع عمر بن الخطاب ..
صباح الخير على وقفة النواصي والقمم والخناقات " البوق " اللي الناس بتفش فيها غلها وبتوفر مادة فرجه للواقفات في البلكونات ..




. صباح الخير على كل جميلة تغري باثم النظرة الثانية والتاسعة .. صباح الخير على الناس اللي بتكوي قمصانها وتبص على المراية قبل ماتنزل ..
على شوارع الزمالك وجاردن سيتي والمعادي اللي تشرف وتفتح النفس للحياة
وعلى كل اللي بيمشوا فيها وبيفرحوا للي ساكنين فيها ....
صباح الخير على حب الجامعة ومظاهرات الجامعة وكل افيه اتقال على اي معيد غتت في اي سكشن ...
صباح الخير على الاوض اللي فوق السطوح والشقق المفروشة والايجار اللي مابيتكسرش ..
على صينية الاكل اللي بتيجي لك من الجيران قبل ما يتفقوا معاك تدي ابنهم درس...
على قران الفجر وصوت النقشبندي وهو بيقول مولاي اني ببابك قد بسطت يدي ...
صباح الخير على الجمعيات اللي ساتره الشعب المصري .. على تمييلة الصاحب على صاحبه في ساعة الزنقة ..



صباح الخير على ام حمدي عبد الرحيم اللي بتحب جمال عبد الناصر وام ايمن عبد الهادي اللي بتعمل رز مسكر وملوخية تضيع مستقبلك ,
وام على رجب اللي ماشفتش البحر الا في عربية الاسعاف اللي خدتها على المستشفى ...صباح الخير على كل نجع وكفر مايكفرش من العيشة ..
صباح الخير على الكنايس اللي شكلها حلو ,, على الاتوبيس النهري لما يكون نضيف.. على عم فاروق ونصبة الشاي بتاعة كوبري عباس ..
على كل زوجه مابتنكدش على جوزها , وكل راجل مابيستقواش على ولية وعلى كل ندهة لبابا وكل لعبة لبنوته ومسدس ميه لحماده ..
. صباح الخير على كراتين الجهاز المتعانة فوق الدواليب .. واحلام الجواز المتحاشة تحت البطاطين ..


صباح الخير على عامود السواري والفاتحة اللي بقراها وانا ببص من تحته على تربة ستي اللي قالتلي
وانا رايح الجامعة اول مرة " يابني البلد بلدهم يعملوا فيها ما بدالهم !"
صباح الخير على لمة صحابي في القهوة وشتايمهم فيها علشان بطلت اجي ..
صباح الخير على دعوة ربنا يكفيك شر طريقك ..

صباح الخير على عبد الناصر قبل مايبقى فرعون
وعلى الشعراوي وهو بيقول اذا كنت قدرنا فليعنا الله عليك , وعلى عبد الحليم وهو بيعيد كوبليه حبيبي والله لسه حبيبي والله ,

وعلى أم كلثوم وهي بتقول تهون عليا الروح لو فارقت جنبي , وعلى محمد فوزي وهو بيقول اي حاجه يعوزها ..
صباح الخير على مرجلة ابراهيم عيسى الذي اخرجني من الظلمات الى النور.

. على مسلسل ارابيسك وفيلم حب في الزنزانة وفينالة الكيت كات ونجيب الريحاني وهو بيغني
حتى الفيران اشتكت من قلة فرافيتي ... !

على عم حجازي اللي سابهالنا مخضرة وراح طنطا .. على محمود عوض اللي قاعد في البيت ....
على بهاء طاهر اللي بيصلب طوله علشان يروح المظاهرة ...
على فاروق عبد القادر وصحبته ..
على حمدي عبد الرحيم واكرم القصاص وقهوة المنظر الجميل
والايام اللي كنا مش لاقيين ناكل فيها بس كان عندنا شاي وسكر كتير..
صباح الخير على مراتي بنت الاصول اللي مابتخافش من اي حاجه بكتبها .
.صباح الخير على بنتي اللي لو ماشفتهاش بتكبر .. قولولها ان ابوكي كان راجل جدع .



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Mr etsh
 
 
avatar

ذكر
عدد الرسائل : 1832
العمر : 28
تاريخ التسجيل : 14/08/2008
العمل : Footplayer
المزاج : عالى جدا
الجامعة : هندسة زراعية مشتهر بنها
المزاج :
الرياضة :
الوسام :
نقاط : 72

مُساهمةموضوع: رد: صبــــاحيك زي وشيك يــــــا مصر !   6/9/2008, 06:08

ماشى يا عم الوطنى جدا
هههههههههههههههه حلوه الاصتباحه ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
W@L!d
 
 
avatar

ذكر
عدد الرسائل : 509
العمر : 29
تاريخ التسجيل : 31/08/2008
العمل : طالب بتجاره عين شمس
الجامعة : غيرهندسة زراعية
الجامعة : تجاره عين شمس
الوسام :
نقاط : 0

مُساهمةموضوع: رد: صبــــاحيك زي وشيك يــــــا مصر !   6/9/2008, 18:50

لااااااااااااااااااء انا مش وطني يا اتش Smile

متوديناش في داهية

نورت يا اتش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Mr etsh
 
 
avatar

ذكر
عدد الرسائل : 1832
العمر : 28
تاريخ التسجيل : 14/08/2008
العمل : Footplayer
المزاج : عالى جدا
الجامعة : هندسة زراعية مشتهر بنها
المزاج :
الرياضة :
الوسام :
نقاط : 72

مُساهمةموضوع: رد: صبــــاحيك زي وشيك يــــــا مصر !   7/9/2008, 07:47

ده نورك يا وليد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
silent_eyes
 
 
avatar

انثى
عدد الرسائل : 365
العمر : 25
تاريخ التسجيل : 18/08/2008
العمل : student
المزاج : sunny
الجامعة : غيرهندسة زراعية
المزاج :
الرياضة :
الوسام :
نقاط : 0

مُساهمةموضوع: رد: صبــــاحيك زي وشيك يــــــا مصر !   7/9/2008, 20:23

هى الوطنيه بقت تهمه
يعنى ممكن بكره الصبح يتقبض عليا بتهمه انى بحب مصر
ولو كرهتها يتقبض عليا برضوا لانى اكيد هكره الحكم فهتبقى التهمه مثلا التحريض على قلب النظام
طب يعنى المفروض نعمل ايه يعنى نموت اى احساس جوانا نحيتها !!!


وانا كنت قرات المقال دة قبل كده
وهو فعلا مقال رائع
بيقكرنى بقصيده ادى مصر
جزاك الله خيرا
اختيار موفق


عدل سابقا من قبل silent_eyes في 9/9/2008, 23:35 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
abonesma_elsokra
 
 


ذكر
عدد الرسائل : 63
العمر : 26
تاريخ التسجيل : 10/08/2008
العمل : طالب بهندسه زراعيه عين شمس
الجامعة : هندسة زراعية مشتهر بنها
المزاج :
الرياضة :
الوسام :
نقاط : 0

مُساهمةموضوع: رد: صبــــاحيك زي وشيك يــــــا مصر !   8/9/2008, 02:19

مع السلامو عليكو يا بكوات
الله يا للول على مواضيعك وعلى ااراء يا كبير
ولعلمك يا سيلنت اايز
الوطنيه فى اى حته حاجه جميله جدا بس عندنا......!!!!
(اللى يقول على نفسوا وطنى فى الزمن ده فى البلد دى يبقى....!!!!)
وطبعا كلكوا عارفين اللى بيحصل عندنا بس ده امر واقع بنرضى بيه وعادى جدا لان مهما زعقنا واعترضنا على اى حاجه مش هتتغير
ومتعملوليش زى ابراهيم عرابى ههههههههههههههههههه
الكلام ده الزمان
صباحك زى وشك يا مصر
صباح الجمـــــــــــــــــــــــــــــــــال يا مصر
صبــــــــــــــــــــــــــــــــــــــــاح الجمال يا بنى أأدمين
وشكرا يا لول على مواضيعك الجامده دى
lol! شكـــــــــــــــــــــــــــــــــــــــــــــــــــــــــــــــرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nagham_el_kon
 
 
avatar

انثى
عدد الرسائل : 2274
العمر : 28
تاريخ التسجيل : 10/08/2008
علم البلد :
الجامعة : هندسة زراعية القاهرة
المزاج :
الوسام :
نقاط : 351

مُساهمةموضوع: رد: صبــــاحيك زي وشيك يــــــا مصر !   8/9/2008, 23:21

صباحكوا زى الفل ان شاء الله كلكوا
منورررررررررررررررين كلكوا والله

_________________

سأظل اذكرك اذا جن الدجى . . أو أشرقت شمس على الازمان

سأظل أذكر اخوة واحـــــــبة . . هم في الفؤاد مشاعل الايمـــان

سأظل اذكركم بحجم محبـتي . . فمحبتي فيض من الوجـــــــدان

فلتذكروني بالدعاء فانــــــني . . في حبكم ارجو رضى الرحمــن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://handsa-zra3ya.ba7r.org
VoLcAnO
 
 
avatar

ذكر
عدد الرسائل : 2349
تاريخ التسجيل : 10/08/2008
العمل : طالب ازهرى
علم البلد :
الجامعة : غيرهندسة زراعية
المزاج :
الرياضة :
الوسام :
نقاط : 772

مُساهمةموضوع: رد: صبــــاحيك زي وشيك يــــــا مصر !   10/9/2008, 11:28

حلوه الاصتباحه دى با وليد تسلم اديك

_________________
سبحان الله وبحمده سبحان الله العظيم


لو عايز توقيع حلو ادخل من هنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.lion555.co.cc
W@L!d
 
 
avatar

ذكر
عدد الرسائل : 509
العمر : 29
تاريخ التسجيل : 31/08/2008
العمل : طالب بتجاره عين شمس
الجامعة : غيرهندسة زراعية
الجامعة : تجاره عين شمس
الوسام :
نقاط : 0

مُساهمةموضوع: رد: صبــــاحيك زي وشيك يــــــا مصر !   11/9/2008, 23:23

نورتووو الموضوع كلكووو

شكرا لمروركووو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
صبــــاحيك زي وشيك يــــــا مصر !
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
هندسة زراعية :: المنتدى العام :: منتدى للمناقشات والكلام العام-
انتقل الى: